منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 ما لايعرفه الكثيرون عن المتصفح العالمى Firefox

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
abo_medo2008
شخصية هامة
شخصية هامة


نقاط التميز : 2505
عدد المشاركات : 1254
ذكر
العمر : 39
العمل : مدرس انجليزى
تاريخ التسجيل : 05/09/2008

مُساهمةموضوع: ما لايعرفه الكثيرون عن المتصفح العالمى Firefox   الجمعة 16 يوليو 2010, 12:13 pm

]

يسعدنى انى اقدم النهاردة لمنتدانا الغالى واعضائه الكرام بعض المعلومات عن استخدام المتصفح الاكثر من رائع ال Firefox


هذه المعلومات قد يعلمها البعض وقد يجهلها الاخرون فاتمنى ان تستفيدوا منها خير الاستفادة

بعض التساؤلات انا عن نفسى كنت اتمنى انى اعرفها عن هذا البرنامج وسعدت جدا عندما عرفتها مثل

هبدأ بحاجات
خاصة فى اعدادات المتصفح نفسه حاجات بسيطة كده بس مهمة وبعد كده باذن الله
هشرح باستفاضة عن الاضافات الرائعة للبرنامج والتى تكسبه مذاق خاص
والمعروفة باسم ال addons


اولا: الحاجات البسيطة

السؤال الاول

الواحد مننا
احيانا بيضطر يسجل فى موقع ولا حاجة عشان يقدر يشوف الروابط وبيسجل باى
حاجة والسلام وممكن يكتب اى باسورد وبعد فترة ممكن ينساها وتضطره الظروف
انه يخش الموقع ده تانى ولكن للاسف نسى هل المتصفح فاكر الباسورد ولا لا
وازاى اجيبها ؟


ملحوظة بسيطة بس
فى الاول انك وانت بتكتب اى باسورد لاى موقع اثناء استخدامك للفايرفوكس
بيطلعلك رساله فوق كده ويقولك remember ولا never ولا not now
واصح ان عشان الفايرفوكس يفتكر لازم تكون اخترت remember
اوك

عشان تشوف اى باسورد انت كتبتها ونسيتها هتخش على tools- option



وهتلاقى نافذه طلعتلك اختار security



هتلاقى كلمة
saved password اضغط عليها هتطلع النافذه دى فيها كل المواقع والمنتديات
اللى انت مسجل فيها وهتلاقى ال user name بتاعك وعشان تشوف الباسورد
هتلاقى كلمة show password هتظهرلك كل الباسورد للمواقع والمنتديات تبعك




واضح من الصورة
ان فى امكانية انك تبحث عن منتدى او موقع معين بدل ماتقعد تنزل وتطلع تدور
عالمنتدى وسط منتديات كتيره تكون اشتركت فيها


السؤال الثانى

منك لله يا اخ محيى انت خليت اى حد يقعد على جهازى يعرف الباسورد بتاعتى ويقدر يستخدمها مفيش حل لكده؟

اكيد ياريس انا مش هقدر ازعلك

خش بردو على tools- option - security زى فوق بالظبط

وواضح من الصورة ان فى كلمة use a master password



هتطلع النافذه
دى تقدر تحط الباسورد اللى تعجبك وبكده اى حاجة تتعمل عالفايرفوكس هيطلب
منك الباسورد دى طبعا اى حاجة مش مقصود بيها التصفح العادى وكده انما لو
حد حب يشوف الباسورد وكده هيطلبها منه وطبعا مفروض انك انت بس اللى عارفها




السؤال الثالث

ازاى اقدر احدد ال home page بتاعتى واحدد المكان اللى لو عملت داونلود عن طريق الفايرفوكس ينزل فيه التحميل؟


دى سهله هتخش بردو tools-option -main
هتلاقى الصورة دى ظبط كيف ماتحب




السؤال الرابع

لو انا عاوز الغى ان الصور تظهر تلقائيا اثناء التصفح ؟


واحد هيقول ايه السؤال ده يعنى ايه تلغى صور وبتاع
ارد واقولك ان لو اضطرتك الظروف تبقى limited dsl
هتعرف ان الصور
بتستهلك كمية كبيره من الجيجات المسموحة ليك فلو لغتها هتوفر عدد لا بأس
بيه من الميجات خاصة لو انت بتتصفح كتير مواقع اخبار وكده ومش محتاج اوى
الصور

المهم
خش tool -options- content هتلاقى load image automatic شيل علامة الصح من عليها



وممكن تعمل استثناءات لبعض المواقع بحيث تخليها تظهر الصور فيها هيا بس دون عن بقية المواقع


السؤال الخامس؟

انا ببقى عاوز افتح اكتر من tab مع بعض فى نفس الصفحة بس مش لاقى البتاع اللى بيعمل new tab ؟


اعمل كليك يمين
فى اعلى جزء من صفحة الفايرفوكس واختار customize هتلاقى حاجات كتير منها
new tab اسحبها كانك بتعمل كوبى كده وحطها فى اى جزء انت عاوز من صفحة
المتصفح








كده خلصت الاسئلة البسيطة وعارف ان كتير عارفنها كويس بس بردو فى ناس مبتدئين لدرجة انهم ميعرفهاش


ثانيا : Add-ons

او عالم المتعة التى تضيف للفايرفوكس مذاق خاص وتجعل من التصفح متعة كبيرة الاضافات دى




الاضافات دى تمكنك من اى شىء ممكن يدور فى ذهنك او يخطر ببالك كلها تهدف الى ارضاء كافة الاذواق وكاقة المستخدمين بمختلف ثقافتهم

الاضافات دى اكبر اضافة فيها لا تتجاوز واحد ميجا بل هيا بضع KBS
ولا يستغرق اضافتها ثوانى حتى لو كنت DIALUP



نبدأ الاستتفسارات اللى ممكن حد يسألها

تابعونا











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abo_medo2008
شخصية هامة
شخصية هامة


نقاط التميز : 2505
عدد المشاركات : 1254
ذكر
العمر : 39
العمل : مدرس انجليزى
تاريخ التسجيل : 05/09/2008

مُساهمةموضوع: رد: ما لايعرفه الكثيرون عن المتصفح العالمى Firefox   الجمعة 16 يوليو 2010, 12:15 pm

السؤال الاول

ازاى اوصل للاضافات دى ؟

بطريقتين الطريقة الاولى انك تخش عاللينك ده


اضغط هنا

ولو نسيت اللينك ده ممكن توصلها كالاتى

TOOLS-OPTIONS-ADDONS



هتلاقى طلعلك النافذة دى
وطبعا هتكون خالية من الاضافات دى لانك لسه منزلتهاش




هتضغط GET ADDONS

هتلاقى فوق عاليمين خالص BROWSE ALL ADDONS



هتضغط عليها هتدخلك نفس الصفحة اللى كانت فى اللينك اللى فوق


السؤال الثانى

طيب انا دخلت دلوقتى عالصفحة دى مفروض بقى اعمل ايه؟

انت خلاص كده دخلت عالم تانى عالم من الابداعات تقدر تدور فيه على كل حاجة تتخيلها باب البوابه دى الجزء ده من الصفحة



لو ضغط على السهم الصغير اللى جنب كلمة ALL ADD-ONS
هتلاقى كل اقسام الاضافات اللى نفسك فيها




واضح ان الاقسام كتيره قوى


السؤال الثالث

طب ازاى اضيف الاضافات دى وهل فى اضافت ترشحهالى عشان دول كتيره اوى؟

من عنيا يا جميل

انا هشرح ازاى تضيفهم من خلال اضافاتى المقترحة واللى انا مش بستغنى عنها وكل الاضافات بتنزل بنفس الطريقة فى خلال ثوانى


الاضافة الاولى

Pray Timer



نظرا لان
الواحد بيقعد كتير عالنت ولو مش قاعد فهو الجهاز مفتوح بردو فالاضافة دى
بتخلى الفايرفوكس يؤذن وقت الصلاة او حتى قبل الصلاة بالمدة اللى انت
عايزها

تقدر توصلها من اللينك ده

اضغط هنا

او ممكن لو اللينك ضاع منك تخش الصفحة الرئيسية للاضافات زى ما مشروح فوق وتبحث بكتابة islam prayer

لما تخش عاللينك هتلاقى كلمة add to firefox

اضغط عليها هتظهر النافذه دى وهتطلع كلمة install فى خلال ثانيتين اضغط عليها وبس خلاص ده كل اللى هتعمله




هيطلب
منك بعد ماتنضاف انك تعمل ريستارت للفايرفوكس عادى جدا اضغط ريستارت وهو
هيقفل ويفتح البرنامج على طول وتكون الاضافة انضافت بفضل الله وهتلاقى شكل
بوابة خضراء تحت على يمينك وجنبها الوقت اللى فاضل على الصلاة التالية

بس لازم تظبط المواقيت حسب البلد اللى انت فيها
هتظغط عالبوابة الخضرا دى هتطلعلك نافذة ظبط فيها ال setting كيف ماتحب

وبالنسبة للى فى مصر فهيعملوا كالاتى







وتقدر تنزل ادان باصوات اللى تحبهم عن طريق انك تضغط download more adhans

هتخش على صفحة فيها الاذان بصوت الكثيرين من المشاهير






الاضافة الثانية

Fast dial



ومستخدمى متصفح الاوبرا يعرفوا ان الاوبرا بيمتاز بالخاصية دى

وهيا انك لما تخش عالمتصفح هتلاقى صفحة متقسمة 9 مربعات كل مربع كانه نافذه لموقع من المواقع اللى اللى انت بستخدمه كتير

هتحملها من اللينك ده زى الطريقة المشروحة فى الاضافة السابقة بالظبط


اضغط هنا

وبعد ماتسطبها فى منتهى البسطاة تقدر تظبط عدد المربعات والمواقع اللى تحطها فيها عن طريق كليك يمين جنب المربعات وتختار preferences



وتقدر تحدد عدد المربعات عن طريق quantity

وتقدر تتحكم فى لون الخليفى عن طريق appearance



وتقدر تحط الموقع اللى تحبه بانك تقف عالمربع وتضغط properties وتكتب اسم الموقع اللى تحبه




تابعونا











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abo_medo2008
شخصية هامة
شخصية هامة


نقاط التميز : 2505
عدد المشاركات : 1254
ذكر
العمر : 39
العمل : مدرس انجليزى
تاريخ التسجيل : 05/09/2008

مُساهمةموضوع: رد: ما لايعرفه الكثيرون عن المتصفح العالمى Firefox   الجمعة 16 يوليو 2010, 12:17 pm

الاضافة الثالثة

IDM Integration



هيا اضافة لعمل توافق بين برنامج التحميل المعروف IDM والفايرفوكس

حملها من

هنا

(لمعرفة المزيد عن ال IDM اضغط
هنا )


الاضافة الرابعة
Flashgot

احيانا رغم الاضافة السابقة تيجى تحمل اى لينك ميرضاش بردو ينزل بال IDM

او احيانا الواحد بيبقى منزل اكتر من برنامج داونلود فلما يجى يحمل
المتصفح نفسه بيتلخبط مش عارف ينزل بانهى واحد فيروح منزل بالمتصفح نفسه
ومعروف ان داونلود المتصفح بطىء مقارنة ببرامج التحميل المتخصصه

ولحل هذه المشكلة فتقدر تحمل الاضافة دى

من هنا

وبعد ما يتستب بالطريقة المشروحة سلفا

هتعمل كليك يمين هتلاقى انها انضافت فهتخش عالاوبشن بتاعتها وتضيف اى
برنامج تحميل انت عاوزه من القايمه زى مافى الصورة وطبعا انت مسطب
البرنامج بتاع الداونلود سلفا





ترجع تانى لصفحة الفايرفوكس وكليك يمين وتعلم على ال internet download
manager



بحيث
كده اى لينك هينزل بيه باذن الله وتقدرزى ماهو واضح تخلى اللينك ينزل كيف
ماتحب بالداونلود مانجر او بالفايرفوكس او اى برنامج تانى
الاضافة الرابعة والافضل عالاطلاق

Bookmarks synchronus



وظيفة الاضافة دى مهمة جدا لكثيرين

دلوقتى الواحد بيعمل bookmark او بالعربى بيضيف لينك صفحة معينة هو عاوزها فى مفضلته (اضف الى مفضلتك)

والصفحات دى بتمثل اهمية خاصة والا مكنتش ضفتها لل bookmarks

احيانا الواحد بيبقى بره البيت فى سايبر او عند واحد صاحبه وتحكمه الظروف انه محتاج ال bookmark بتاعتعه اوى

او مثلا اضطر انه ينزل ويندوز او يسطب برنامج الفاير فوكس من جديد كده طبعا كل ال bookmarks هتضيع

مع الاضافة دى تقدر فى اى مكان فى العالم ومن اى جهاز كمبيوتر فى العالم
ولو فرمت ججهازك كله مش بس غيرت ويندوز تجيب كل ال bookmarks بتاعتك ومش
بس كده ده لو مسيف صفحة منتدى او موقع وليه باسورد ونسيت الباسورد تقدر
ترجعها بالاضافة دى

اضافة رائعة للغاية
اولا حملها من

هنا

بعد ماتحملها وتسطبها بالطريقة المعروفة

هتظهرلك على ايدك اليمين فى صفحة الفايرفوكس هضغط عليها وهتتعامل لانشاء
حساب ليك تبع الاضافة دى يعنىكانك بتشترك فى منتدى وكده ايميلك بس هو
المطلوب وتكتب باسورد ليك واسم دخول

زى ماهو واضح فى الصورة هتختار no help me

وبعدين خطوات انشائك للحساب فى ثوانى هتتم




بعد ماتخلص عمل اكونت ليك هتضغط تانى عالايقونه بتاعت الاضافة فهتظهرلك النافذة دى تدخل بياناتك بكل سهولة



هتخش على كلمة sync


وتقدر منها تختار انك تحفظ اسامى المواقع اللى معمولها bookmark بس
ولا كمان تحفظ الباسوردات بتاعتها وبتاعت بقية المواقع اللى متسجلة عالفايرفوكس
براحتك

وكمان تقدر تتحكم اذا كانت العملية تتم تلقائى ولا لا

بعد كده ارجع بقى لكلمة account اللى فوق واضغط synchron now

ومبروك عليك


الله الله ياعم انت كده مش فهمتنا احنا بنعمل ايه اساسا وليه ده كله وازاى اساسا هخش على ال
book marks بتاعتى زى ماقلت شكلك نمت ياعم وانت بتكتب الموضوع

لا يا اخى اصبر بس احنا كده الاول نظبط الحاجات الصعبة وخلاص كده خلصت الحمد لله

بس ياسيدى انت من اى مكان فى العالم ومن اى جهاز هتخش عالموقع ده اللى هو عامل الاضافة دى

وده اللينك بتاعه

http://www.foxmarks.com/

هتخش تلاقى فوق كلمة

my foxmarks

اضغط عليها ودخل بياناتك وهتخش تلاقى كل ال bookmarks بتاعتك اللى على الفايرفوكس اللى متسطب على جهازك


بس خلاص
منقووووووووول
و لصاحب الموضوع كل الشكر











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ما لايعرفه الكثيرون عن المتصفح العالمى Firefox
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» المتصفح المشهور والعالمي باخر اصدارMozilla Firefox 3.6.11
» تحميل اخر نسخة مباشر وشرح مع التفصيل الممل بالصور برنامج roboform ليجعلك مسجل فى كل المنتديات
» تسريع التصفح على Firefox

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: أفكار وأقلام :: منتدى البرامج-
انتقل الى: