منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 يعني إيه كوكاكولا زيرو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SAMEER FARES
منياوى فعال
منياوى فعال


الإسم : سمير فارس
الإقامة : الرياض
نقاط التميز : 216
عدد المشاركات : 61
ذكر
العمر : 30
العمل : رسام هندسى
تاريخ التسجيل : 23/04/2010

مُساهمةموضوع: يعني إيه كوكاكولا زيرو   الأربعاء 28 أبريل 2010, 7:50 pm

يعني إيه كوكاكولا زيرو

يعني تترشح في الانتخابات عن فئة (العمال) وتنجح فتعيش عيشة (الملوك)

يعني تبقي جماعة محظورة بس ليها 80 نائبًا في البرلمان.

يعني أبوك ياخدلك كشك في مصر القديمة ويحصل هبوط في الأرض

يبلعك إنت والكشك، فتنزل تلاقي كنز تحت الأرض.

يعني الفرق بين الزمالك والأهلي يوصل لـ 7 نقط وتسخن المنافسة بينهما

والإسماعيلي يفوز بالدوري. 

إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني. 

إنك تجيب جون في نفسك والحكم يحسبه أوفسايد.

يعني يبقي عندك شركة روتانا وتشتري مطربين مصريين وتجمدهم،

ولما الحكومة تسألك عن الأرض اللي اشتريتها في توشكي وجمدتها،

تقول لهم هازرعها أمال أنا كنت باشتري المطربين ليه؟

يعني شيخ الأزهر يموت وأول واحد ينعيه البابشنودة. 

يعني تقعد ليلة الامتحان في أي كافيه تلعب بلاي ستيشن والامتحان يتلغي علشان الأسئلة اتسربت. 

يعني الريس يسافر برة علشان يعمل عملية في المرارة والسولار يختفي

من البلد في نفس اللحظة علشان ماحدش يستغل الفرصة ويولع فيها.

يعنى يقولك ان من اهم انجازات عصر ما بعد الثورة هى مجانية التعليم....

.و اى اسرة فى مصر بتبيع اللى وراها و اللى قدامها علشان الدروس الخصوصية!!!!

يعنى ابويا يسافر و يتغرب و يوفر شقة لولاده من فلوسه محدش دفعله فيها حاجة

و يجى بطرس غالى يفرض عليها ضريبة عقارية.!!!!!!!!

يعنى حسنى مبارك يعمل سور لقتل اطفال غزه ويطلع واحد يقولك البرادعى عميل لاسرائيل

يعنى وزير مالية عمل قانون الضرائب العقارية وقال هيدفع عن القصور بتاعته، ويطلع يتعالج على نفقة الدوله

يعنى وزير صحة شريك فى كبرى مستشفيات البلد)دار الفؤاد) و مراته برضه تتعالج على نفقة الدوله

يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز

يعنى جمال مبارك يسرق فلوسنا وارضنا ويوزعها على اصحابه

و ييجى واحد عـ** يقولك اللى تعرفو احسن من اللى ما تعرفوش.


يعنى تبقى واثق أيام اختيار الدولة المضيفة لكأس العالم 2010 ان مصر هاتخدها

هاتخدها لإنعدام الامن فى جنوب أفريقيا و عدم و جود بنية تحتية فى المغرب

و فجاة تاخد زيرووو كبييير من لجنة الفيفا.


يعني الزبالة وعدم النظام في كل مكان ورئيس الوزراء بيقول

ان وجود الزبالة بالكثرة دي بيدل على الغنى الي عايش فية الشعب المصري.


يعني مصانع الحديد كانت بتبيع الطن ب2000 جنية

ويجي بقدرة قادر احمد عز محتكر الحديد يبيعه ب8000 جنية ........

تيجي الحكومة تعمله قانون تفصيل مخصوص لية عشان تحمية من بطش الناس


يعني يعملوا قانون ضرائب جديد على العقارات .......

والشعب الي مش ناوي يدفع، يموت نفسة عشان يجيب الاقرار ويتباع في السوق السودا كمان.


يعني تبقي عندك بحرين و نيل قناة السويس و11 بحيره وبتستورد السمك من بره !

يعني الدايرة الي فيها 2500 صوت مرشح الحزب الوطني ياخد لواحدة 13000 صوت

يعني كلنا خايفين علي مستقبل مصر ، واللي ماسكينها خايفين علي مستقبلهم هما.

يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله

والبلاعات طالعه فى وسط الشوارع واحيانا مفتوحه --------

يطلعوا لنا بقانون حزام الامان والصندوق الطبى علشان الننوس يبيع ويغتنى

.
يعني الموظف فى الحكومة بياخد 500 جنيه مرتب و يقولك مش عارف يعيش

علشان الزيادة السكانية
عني يعملوا قانون مرور جديد.....

و ضحايا حوادث الطرق سنويا اعلى من نسبة اللى ماتوا فى حرب اكتوبر


يعني وزير الإسكان يبقي سمسار اراضي !

ووزير التعليم يبقي بلطجي قديم !

ووزير الصحه بيتعالج علي نفقة الدوله

يعنى كولا زيرو

غاز زيرو

مرتبات زيرو

ضمير زيرو


تنمية زيرو

انتخابات زيرو

صحة زيرو

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
علاء
منياوى نشيط
منياوى  نشيط


نقاط التميز : 405
عدد المشاركات : 193
ذكر
العمر : 21
العمل : لست مجبوراً أن أفهم الأخرين من أنا ..!! فمن يمتلك مؤهلات العقل والإحساس
تاريخ التسجيل : 03/08/2009

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 7:54 pm

تسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد فرج على نوفل
منياوى متميز
منياوى متميز


الإسم : ابو عبد الرحمن
الإقامة : السعودية
نقاط التميز : 1167
عدد المشاركات : 505
ذكر
العمر : 42
العمل : مشرف تغذية
تاريخ التسجيل : 13/03/2010

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 8:33 pm

احسنت صنعا يا فتى

ما اجمل المواضيع المطروحه منك

كله زيرو وان كان فيه اقل من الزيرو فنحن الشعب المصرى

هم يضحك وهم يبكى الله المستعان

تسلم يا استاذ سمير على المواضيع الجميله دى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن البطه
شاعر المنتدى
شاعر المنتدى


الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
ذكر
العمر : 55
العمل : بالجمعيه الشرعيه
فصيلة الدم : O-
تاريخ التسجيل : 07/07/2009

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 8:45 pm

[size=24]موضوع وإن كان منقول إلا أنه رائع

وبسبب عدم تنسيقه أخدت (زيرو ) فى القراءه










لسانك لا تذكر به عورة امرىء .... فكلك عــورات و للنـــاس ألســـن
و عينك إن أبدت إليك مساوىء ..... فصنها و قل يا عين للناس أعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريم
مشرفة عامة
مشرفة عامة


الإسم : ريم
الإقامة : فى عالمى الخاص
نقاط التميز : 9908
عدد المشاركات : 4295
انثى
العمر : 24
تاريخ التسجيل : 25/12/2009

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 9:20 pm

@عبدالرحمن البطه كتب:
موضوع وإن كان منقول إلا أنه رائع

وبسبب عدم تنسيقه أخدت (زيرو ) فى القراءه


انا عدلت للاستاذ سمير الموضوع

يا استاذ عبد الرحمن

علشان متعطيش له زيرو

وكمان علشان فيه عبارات عجبتنى قوى زى دى

يعنى
حسنى مبارك يعمل سور لقتل اطفال غزه ويطلع واحد يقولك البرادعى عميل
لاسرائيل

يعنى
جمال مبارك يسرق فلوسنا وارضنا ويوزعها على اصحابه

و ييجى واحد
عـ** يقولك اللى تعرفو احسن من اللى ما تعرفوش.

بصراحه كلهم اجمل من بعض

موضوع رائع استاذ سمير

وعبارات تحاكى واقعنا









الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عبدالرحمن البطه
شاعر المنتدى
شاعر المنتدى


الإسم : عبدالرحمن البطه
الإقامة : منية سندوب / المنصوره
نقاط التميز : 2512
عدد المشاركات : 812
ذكر
العمر : 55
العمل : بالجمعيه الشرعيه
فصيلة الدم : O-
تاريخ التسجيل : 07/07/2009

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 9:45 pm

ريم كتبت
انا عدلت للاستاذ سمير الموضوع
يا استاذ عبد الرحمن
علشان متعطيش له زيرو
0000000
ياريم أنا اللى أخدت الزيرو علشان ماعرفتش أقرأ الموضوع
أنا قريت الموضوع تانى لقيته أحسن كتير (الله يبارك لك ياريم )
وعلى فكره بداية سمير فيها كتير من بدايتك زى حسن اختيار الموضوعات
انتى بدأتى تتحررى ونتمنى له التحرر هو كمان والكتابه الذاتيه
ياريت تكبرى لى حروف موضوع (علمونا ) وجزاكم الله خيرا










لسانك لا تذكر به عورة امرىء .... فكلك عــورات و للنـــاس ألســـن
و عينك إن أبدت إليك مساوىء ..... فصنها و قل يا عين للناس أعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أبو كريم
منياوى على حق
منياوى على حق


نقاط التميز : 5196
عدد المشاركات : 1638
ذكر
العمر : 41
العمل : مدرس لغة عربية
تاريخ التسجيل : 05/09/2008

مُساهمةموضوع: رد: يعني إيه كوكاكولا زيرو   الأربعاء 28 أبريل 2010, 9:57 pm

موضوع فعلا رائع يستحق القراءة
شكرا لك يا استاذ / سمير







وما من كاتب إلا سيفنـــــى ****** ويبقى الدهــر ما كتبت يداه
فلا تكتب بكفك غير شــــــىء****** يسرك فى القيامة أن تراه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_mohamed shady
مشرف عام
مشرف عام


الإسم : محمد عبدالله شادى
الإقامة : منيه سندوب
نقاط التميز : 799
عدد المشاركات : 341
ذكر
العمر : 30
العمل : الفرقه السادسه طب المنصوره
تاريخ التسجيل : 12/09/2009

مُساهمةموضوع: رد: يعني إيه كوكاكولا زيرو   الخميس 29 أبريل 2010, 3:00 am

بيج زيرو يا مصر
موضوع جامد يا سمير
تسلم ايدك يا حبيب قلبى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maioiii
منياوى على حق
منياوى على حق


الإسم : مى
الإقامة : المنصورة
نقاط التميز : 2012
عدد المشاركات : 1093
انثى
العمر : 27
العمل : ليسانس اداب اثاااار
تاريخ التسجيل : 20/02/2010

مُساهمةموضوع: رد: يعني إيه كوكاكولا زيرو   الخميس 29 أبريل 2010, 3:20 am

تسلم بجد يا استاااااااااذ سمير

ما شاء الله كل كلمة فيها بتعبر عن الا احنا حاسينه

واحلى حاجة ف الشعب المصرى انه بيعبر عن الا جواه باسلوب هزلى

بامانة كل كلمة صح مليون ف المية البلد دى فيها خير يا ريت نشوفه بس هو فين الله اعلم

الفرج قريب ان شاء الله

ميرسى يا استاذ سمير






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يعني إيه كوكاكولا زيرو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: شبابنا :: منتدى الخواطر-
انتقل الى: