منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 مفيش حاجه...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
تيمو
منياوى على حق
منياوى على حق


الإقامة : مش فارقه
نقاط التميز : 2232
عدد المشاركات : 1069
ذكر
العمر : 28
تاريخ التسجيل : 10/01/2009

مُساهمةموضوع: مفيش حاجه...   الأربعاء 07 أبريل 2010, 1:18 pm

مانيش عايز خلاص حاجة

ولا محتاج أنا لحاجة

ولو عايز صحيح حاجة مخليتوليش ولا حاجة

عموماً بصوا فيه حاجة ...هقولها بس محتاج لعقول تفهم.. ولو حاجة

مهيش مفهومة او حاجة ....نفسرها بكام حاجة

نوضحها بكام حاجة وأهى حاجة مع حاجة هتظهر وتبان لنا حاجة

وانا ما بخفش من حاجة مانيش مسنودة ولا حاجة

لكن ما بخفش من حاجة

لكن فرضاً لو هقول حاجة هيحصل إيه ؟ ولا حاجة

هيعملوا إية ؟ ولا حاجة

ولو بعد الشر .. بعد الشر لو واحد من القاعدين من السامعين من الضالين فِهِم حاجة


هَيعملوا إيه ؟ اكيد برضُه ولا حاجة

فنتوكل على الستار لوجه الله نقول حاجة

فيه ناس بتعيش علشان حاجة و ناس بتموت علشان حاجة

و ناس بتموت على الحاجة

و ناس تديلك الحاجه وهى ليها محتاجه

و ناس تديلك الحاجه و تاخد قصادها ميت حاجه

و ناس تكبر تكون حاجه و ناس تصغر علشان حاجه

و ناس منظر ومش حاجة و تلقاه كبير حرس ونفير عليه منظر

وهو جبان وشيخ منصر ولا يبـنش عليه حاجة

كلامى يا خلق فيه حاجة .. لحد دلوقتى فيه حاجه

كلام عادى و بسيط جداً .. ولا فِهشِ ولا حاجة

ما انا ما أقدرش أقول حاجه صحيح نفسى أقول حاجه

وميت حاجه لكن مش قادرة اقول حاجة لأنى لو هقول حاجه

هييجى ناس بتوع حاجه وياخدونى ورا الحاجة

وهو لو سمع حاجه هيعملوهالى ميت حاجه

عموما ... بصو لو حد من القاعدين عايزنى أبلغه بحاجة يقول مايخفش من حاجة

نعم .. فيه إيه؟ ...لالأ مافيش سرقه ولا تهليب ولا تهريب ولا حاجة

وبتقول إيه...مصمصوا إيه.... وخصخصوا إيه....ده كله كلام مفيش حاجه

قضية إيه ..ياشيخ روح خلاص مافيش حاجه

حرامى إيه ... و لكح إيه ... و هرب إيه؟ شــفـافـيـه مافيش حاجة

وبتقول إيه .. لالآلأ عـــيب لافيه تدليس ولاترقيص ولا تدبيس ولا حاجه

سمع مع هوووس انا حاسس انه فيه حاجة

دقيقة سكات لَتبقى حداد انا حاسس انه فيه حاجه

زمنكوا ياخلق فيه حاجه ولازموا كام و ميت حاجه

ده لو يعنى إذا كان فيه حاجة

انا عن نفسى مش حاسس ولا بحاجة ولا متضايق و لا حاجة

سعادتك برضه مش زَيـىِ مافيش حاجة

أهـه بيقول مافيش حاجة جنابك برضه مش زَيـىِ وعلشان زَيـىِ مافيش حاجة

أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانّا مافيه حاجة

و رحمة ابويا ويّا أبوك على إللّى جابوك ما فيه حاجه

وعهد الله . وعهد الله. وعهد الله ما خللولنا ولا حاجه

بقولك إيه خـــلاص خلّص وفركش يلا اخوا
--------------------------------------------------------

للشاعرة المصرية إيمان بكري







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
maioiii
منياوى على حق
منياوى على حق


الإسم : مى
الإقامة : المنصورة
نقاط التميز : 2012
عدد المشاركات : 1093
انثى
العمر : 27
العمل : ليسانس اداب اثاااار
تاريخ التسجيل : 20/02/2010

مُساهمةموضوع: رد: مفيش حاجه...   الأحد 11 أبريل 2010, 12:05 am

اية الجمال دة بس

والله حلوة موووووووووووووووووووت

حبتها كتيييييييييييير

تسلم يا تيمو






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
تيمو
منياوى على حق
منياوى على حق


الإقامة : مش فارقه
نقاط التميز : 2232
عدد المشاركات : 1069
ذكر
العمر : 28
تاريخ التسجيل : 10/01/2009

مُساهمةموضوع: رد: مفيش حاجه...   الأحد 11 أبريل 2010, 6:12 am

الاحلى مرورك يا مي تسلمى على كلامك الجميل







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مفيش حاجه...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: شبابنا :: منتدى الخواطر-
انتقل الى: