منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 ادخلى اعملى احلى جاتو سواريه لست الحبايب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sleepingbeauty
مشرفة سابقة
مشرفة سابقة


نقاط التميز : 3973
عدد المشاركات : 1529
انثى
العمر : 116
العمل : لست مجبوراً أن أفهم الأخرين من أنا ..!! فمن يمتلك مؤهلات العقل والإحساس
تاريخ التسجيل : 19/10/2009

مُساهمةموضوع: ادخلى اعملى احلى جاتو سواريه لست الحبايب   الأحد 21 مارس 2010, 5:42 am

السلام عليكم ورحمة الله وبركاته
ندخل عالطريقة على طول...ما عندناش وقت
بس الأول أحطلكو صورة الجاتو عشان تتشجعوا



ودلوقتي هقولكم على المقادير:
أولا :مقادير الكريمة:
أنا هحطلكم المقادير الأساسية...بس أنا بعمل نصها وبتبأة كمية كافية جدا...لكن لو إنتوا عايزين تستغلوها في أكتر من طبق استعملوا المقادير ده كلها:
400 جرام شوكولاتة خام ويكون نوعها حلو
6 أصفر بيض
1 معلقة كبيرة مليانة جيلاتين
150 جرام سكر
750 جرام فريش كريم(كريمة لباني)...اللي بتبأة سايلة ود هي السر في الطعم الجميل بس لازم تكون متلجة عشان تتماسك عند الخفق ...
6 بياض بيض ...بس خدوا بالكو استعملوا البيض اللي حجمه كبير
نيجي بأة للطريقة:
نضع الشوكولا على حمام مائي لحد ما تسيح


نضرب صفار البيض كويس أوي


نضع الشوكولاتة السايحة الساخنة جدا ونقلب بسرعة

هنا بعد ما قلبت الصفار مع الشوكولا

وده بياض البيض...طريقته إن احنا بنضرب البياض لحد ما تتكو ن رغوة ...وبعدين نضيف عليه تدريجيا معلقة كبيرة مليانة سكر بودرة ...وده هايبأة شكله...خدوا بالكوا لاااااااازم الوعاء اللي بتضربوا فيه البياض ما يكونشي فيه ولا نقطة مية والمضرب كمان لازم يكون ناااااااااااشف

وبعدين هنضيف البياض على خليط الصفار والشوكولا

ونقلب كويس

نضع الجيلاتين في نص كوب ماء ساخن جدا ....بس أنا بما إني عملت نص الكمية حطيت نصف معلقة جيلاتين مع ربع كوب ماء ساخن جدا

ننزل بالجيلاتين سرسوب على خليط البيض والشوكولا والمارينج مع التقليب

بعد كده نخفق الفريش كريم لحد ما يتماسك ويبأة شكله كده

بس خدوا بالكوا ما تزودوش في خفق الفريش كريم علشان ما يبوظش مجرد إنه يتماسك توقفوا خفق على طول
بعد كده نضيف الفريش كريم على خليط(الشوكولا والصفار والمارينج والجيلاتين) ونقلب كويس بس مش كتير عشان الخليط ما يخرزش

وبعد التقليب هايبأة الشكل كده

بعد كده نغطي الكريمة بأي كيس علشان ما تاخدش ريحة التلاجة ونحطها في التلاجة لحد ما نخلص عمايل الكيكة نيجي للكيكة بأة:
كيكة الشاتو

المقادير:
1كوب سكر
1كوب زيت
1كوب حليب سائل
4 ملعقة كبيرة كاكاو
نضع كل هذه الأشياء في الخلاط (خلاط الطماطم) ونخلط لحد ما يبأة شكلهم كده






وبعد الخلط نأخذ ثلاثة أرباع كوب ونضعهم على جنب ونضيف للباقي بيضتين وفانيليا






ثم نصب الخليط على كوب دقيق مخلوط بملعقة كبيرة بيكنج بودر








ونخلط جيدا بالمضرب الكهربائي حتى يصبح الخليط بهذا الشكل





ثم نصبه في صينية مدهونة بزيت

..وانا هنا أضفته في قالب الكب كيك علشان شكله يبأة أشيك
وأضفت جزء تاني في صينية مستطيلة..اللي في صينية مستطيلة هو اللي هيبأة الجاتو





وده شكلها بعد ما طلعت من الفرن...أنا سبتها حوالي 25 دقيقة











بعد ما تبرد هانسويها ...يعني نشيل الأطراف والوش المنفوخ ...بحيث إنها تكون متساوية..


ونقسمها نصفين



بعدين نرجع النصين على بعض تاني ونقطعها من النص بحيث إنه يكون عندي أربع أقسام



هناخد من الأربع أقسام ..اتنين ندهنهم بالكريمة ...واتنين مش هندهنهم



ناخد الربعين اللي ما دهنهمش ونحطهم على الاتنين اللي دهناهم ونغطيهم بالصوص بتاع الكيكة اللي كنا واخدينه على جنب...بس ما تخلهوش ينزل من الجوانب ...]عني على الوش بس




وبعدين نقطعها مربعات صغيرة ونزينها بالتوفي...والتوفي كمان بيديها طعم روعة

وده شكلها النهائي



وده الشكل التاني


يا رب تكون عجبتكم








الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ادخلى اعملى احلى جاتو سواريه لست الحبايب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: شبابنا :: واحة الأسرة-
انتقل الى: