منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 أنا ليـــــــــه محجبــــــه؟!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو ديما
منياوى على حق
منياوى على حق


الإسم : ابو ديما
الإقامة : السعودية
نقاط التميز : 4498
عدد المشاركات : 1510
ذكر
العمر : 30
العمل : محاسب
تاريخ التسجيل : 04/10/2008

مُساهمةموضوع: أنا ليـــــــــه محجبــــــه؟!   الخميس 25 فبراير 2010, 9:22 pm

أنا ليه محجبــــــــــــــــه؟!






أنا محجبة -بعد إيماني بأمر ربنا إن الحجاب فرض على كل مسلمة


علشان الأسباب التاليه


*******




علشان انا حرة.. مش من حق حد يشوف مني اللي مش عاوزاه
يشوفه إلا بإرادتي.. ومن حقي اختار مين اللي يشوف مني أجمل ما عندي..
واللي علشان يشوف ده ويبقى حقه وحلاله بلاله عن طيب خاطر.. لازم هو كمان
يديني مشاعره واللي باقي من عمره عن طيب خاطر

*******

2





علشان أنا غالية.. مينفعش أقلل من قيمة نفسي واخليها عرضة
لكل العيون.. ويبقى خروجي مكشوفة ضوء أخضر لكل من هب ودب يسرق مني ولو
نظرة لأي جزء مش متغطي مني.. حتى لو مكنش ده قصدي.. بس مش حقدر امنعه..
كامل اعتذاري لغير المحجبات.. ولكن ده اللي حيوصل منك لضعيفي النفوس حتى
لو مكنش ده قصدك.. وده اللي علشانه ربنا فرض الحجاب . علشان ميطمعش الذي
في قلبه مرض.. مع الأخذ في الاعتبار انه “كل من هب ودب ده” مش بس الشباب
اللي بيعاكس البنات في الشارع.. ده يتضمن حتي الزبال اللي بيسوق عربية
الزبالة في الشارع.. كل دول بقى من الممكن انهم يبصوا لي.. لأ ده كمان
يمكن ماعجبهمش ويدوروا وشهم إعراضاً

*******







3 -

علشان أنا باحترم نفسي.. وشايفة نفسي كبيرة قدام نفسي..
ومينفعش أنزل سوق المنافسة في الأنوثة علشان أفوز في الآخر بنظرة شهوانية
أو كلمة غزل رخيصة أو عرض صحوبية

*******





4 -

علشان انا جمالي مش خارجي وبس.. ومن حقي ان اللي ييجي
يتجوزني.. واللي حاديله الباقي من عمري.. واللي حديله كل مشاعري.. واللي
حاقاسمه أحلامي وأفكاري.. واللي حخلف منه ولادي.. وح اربيهم معاه..
مايختارنيش على مقاييس شكلية وبس.. أو تبقى هي دي العامل الأساسي في
أختياره ليا.. علشان كدة مش ضروري يشوفني في كامل زينتي وجمالي قبل ما ي!
تجوزني.. الأهم انه يحب روحي ويعجب بشخصيتي.. ويرتاح معايا نفسياً.. أصل
في بنات بتأجل الحجاب لحد ما تتجوز.. على أساسا انها تكون شنكلت واحد
وضمنته.. مع إن مفيش حاجة مضمونة في الزمن ده.. واللي اختارها علشان
جمالها.. ممكن قوي يتجوز عليها واحدة أجمل منها.. لأنه أكيد في الأجمل
منها يعني

*******




5 -

علشان أنا باخاف على أخويا في الله اللي بيشوفني في الشغل
أو في الكلية أو في المواصلات أو في الشارع.. ويمكن يكون عاوز يقرب من
ربنا.. وبيجاهد نفسه علشان يغض بصره.. فمرضاش لنفسي اني اكون سبب في اني
افتنه

*******



6 -
علشان أنا باشيل هم أخويا في الله اللي نفسه يتجوز ومش
قادر لضعف إمكانياته المادية.. فمش ضروري يعني ازود عليه همومه.. وأخيِلُه
في الرايحة والجاية






7 -
ده غير حاجة مهمة كمان.. الكفن بتاع النساء.. فيه حجاب..
فاللي مش ح تلبسه وهي حية بإرادتها طاعة الله.. ح تلبسه كدة كدة وهي رايحة
قبرها.. وطالما ربنا بيقول اننا نتستر حتى واحنا رايحين قبورنا وخلاص
انتهى التكليف.. ومحدش حيشوفنا تاني ولا حد حيطمع فينا.. يبقى مفيش معنى
اننا نمشي مكشوفين لكل العيون واحنا أحياء نرزق.. يبقى الأولى اطيع ربنا
بإرادتي وأقابله وهو راضي عني واخد أجري كامل.. ولاّ اني ملبسوش غير وانا
جثة واقابل ربنا وهو غضبان عليا؟


*******





الأسباب اللي فوق دي.. هي اللي فهمتني ليه ربنا فرض
الحجاب على البنات.. مش تعسير ولا تضييق.. الحجاب فعلا عزة وكرامة..
ميعرفهاش غير اللي داق طعم الستر


ربنا يهدينا ويهدي بنات وشباب المسلمين
أرجو الدعاء لي ولكم بصالح الأعمال
أستـــــــــــودعكــــــــــــم الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sleepingbeauty
مشرفة سابقة
مشرفة سابقة


نقاط التميز : 3973
عدد المشاركات : 1529
انثى
العمر : 116
العمل : لست مجبوراً أن أفهم الأخرين من أنا ..!! فمن يمتلك مؤهلات العقل والإحساس
تاريخ التسجيل : 19/10/2009

مُساهمةموضوع: رد: أنا ليـــــــــه محجبــــــه؟!   الخميس 25 فبراير 2010, 10:53 pm

علشان كل دا ياابوديما
وموضوع تحفة تقبل مرورى






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
yaso
منياوى أصيل
منياوى أصيل


الإسم : yassen
الإقامة : mansoura
نقاط التميز : 7392
عدد المشاركات : 3453
ذكر
العمر : 28
العمل : Director of the company workers cassette Islamic Mansoura
تاريخ التسجيل : 16/06/2009

مُساهمةموضوع: رد: أنا ليـــــــــه محجبــــــه؟!   الجمعة 26 فبراير 2010, 1:49 pm

ماشاء الله........................................بارك الله لك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن البلد
منياوى نشيط
منياوى  نشيط


نقاط التميز : 272
عدد المشاركات : 132
ذكر
العمر : 31
تاريخ التسجيل : 25/01/2010

مُساهمةموضوع: رد: أنا ليـــــــــه محجبــــــه؟!   الجمعة 26 فبراير 2010, 1:57 pm

جزاك الله خيرا
يا
استاذ مصطفى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أنا ليـــــــــه محجبــــــه؟!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: المنتدى الاسلامى-
انتقل الى: