منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 كلب الست....

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
guana_shtan
مشرفة سابقة
مشرفة سابقة


الإسم : البرنسيسه
الإقامة : منيه سندوب
نقاط التميز : 535
عدد المشاركات : 181
انثى
العمر : 27
العمل : فنيه معامل لسه مش عارفه حاجه
تاريخ التسجيل : 02/03/2009

مُساهمةموضوع: كلب الست....   الأحد 21 فبراير 2010, 6:06 pm




فى الزمالك من سنين

وف حما النيل القديم

قصر من عصر اليمين

ملك واحدة من الحريم

صيتها اكتر م الادان

يسمعوه المسلمين

والتتر والتركمان

والهنود والمنبوذين

ست فاقت ع الرجال

فى المقام والاحترام

صيت وشهره وتل مال

يعنى فى غايه التمام

قصره يعني هى كلمة

ليها كلمه فى الحكومه

بس ربك لجل حكمه

قام حرمها م الامومه

والامومه طبع ثابت

جوه حوا من الزمان

تعمل ايه الست جابت

فوكس رومي وله ودان

فوكس دا عقبال املتك

عندة دستة خدامين

يعنى مش موجود فى عيلتك

شخص زية يا اسماعين

واسماعين دا يبقى واحد

م الجماعة التعبانين

اللي داخوا فى المعاهد

والمدارس من سنين

حب يعمل واد فكاكة

يمشي حبة فى الزمالك

والقيامة والفتاكة

يرموا طبعا ع المهالك

عم سمعة من قيامتة

حب يعمل فيها فلة

بعد ما الوظ بيجامتة

اشترى حتة مجله

قول مشي يقرا فى حكاية

من حكايات الغرام

واندماجة فى القرايه

خلا مشيه مش تمام

ع اليمين يحدف بعيد

خطوتين ويروح شمال

لمحه فوكس من الحديد

قال دا صيد

سهل حلال

هب نط فى كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلى مالها ؟

بص شاف الدم سايح

من عاليها ومن واطيها

وياللى جاي

وياللي رايح

المجله مش لا قيها

حبه واتلموا الظنايا

اللى هما البوابين

والحكايه والروايه

قال لهم

دا كلب مين؟؟

كلب مين !!

ما كلب مينشى

سمعه لبخ حبتين

قال واحد منهم

امشى

اللى جابك عنده مين؟

قال دا شارع يا مواشي

والجميع بيمر منه

اللى راكب

اللى ماشى

مستحيل نستغنى عنه

كلمه من دا

وكلمه من دا

ظاطو واترسمت فضيحه

قول نهايته

القصد من دا

اسماعين اكل الطريحه

راحو قسم الشرطه طبعا

والنيابه كفيله بيهم

واترموا فى الحجز جمعا

لما ييجي الدور عليهم

حبة والشاويش امين

قال : سعيد النقشيندي

قام غريم عم اسماعين

قال له:

محسوبك يا افندي

قام سي سمعه

يروح معاه

الشاويش قال :

غور بدمك

راح تعوصنى

وفوق قفاه

كف طرقع

داهيه ف امك

تفتكر يفضل سي سمعه

قد ايه فى القسم نايم ؟

استضافه الحجز جمعه

يا بلاش

ادي العزايم

شاف بلاوي

ما تتحكيش

م الديابه المسجونين

قال يا عالم

يا شاويش

يا نيابه

يامسئولين

خلصوه بعد المناهده

جثه من جحر الديابه

هى يمكن ساعه واحده

كان فى مكتب النيابه

قال له مالك يااسماعين

قال لة زي البمب ... مالي ؟

قال له عضك فوكس فين

قال له سيبنى اروح لحالي

انت شوف سي فوكس يمكن

خد تسمم

غصب عني

الوكيل قال برضة ممكن

والشاويش

قعد يغنى

انت فين والكلب فين

انت قدة يا اسماعين

طب دا كلب الست يا ابني

وانت تطلع ابن مين

بشري لصحاب الديول

واللى له اربع رجول

بشرى لسيادنا البهايم

من جمايس او عجول

اللى صاحبه يا جماعه

له غناوي

فى الاذاعه

راح يدوس فوق الغلابه

والنيابه .. بالبتاعه

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
HUSSEIN
منياوى متميز
منياوى متميز


الإسم : أبو غدير(حسين ابو سمره)
الإقامة : السعوديه - جده
نقاط التميز : 1330
عدد المشاركات : 633
ذكر
العمر : 43
العمل : الهندسه الانشائيه
فصيلة الدم : B+
تاريخ التسجيل : 19/12/2009

مُساهمةموضوع: رد: كلب الست....   الإثنين 22 فبراير 2010, 8:30 am

طبعا يابرنسيسه دى واحده من روائع احمد فؤاد نجم وكان كاتبها لأم كلثوم بمناسبة ان كلب الست كان هايهبشه وهو ماشى من جنب السور بتاعها

لكن أبشرك ماعدتش فىه كلاب خلاص فى زمنا ده لكن اللى موجود اللصوص والذئاب!!!

تقبلى مرورى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
omafrm
منياوى فعال
منياوى فعال


الإسم : ابن البلد
الإقامة : منية سندوب
نقاط التميز : 273
عدد المشاركات : 72
ذكر
العمر : 46
العمل : مدير شركات
تاريخ التسجيل : 17/02/2010

مُساهمةموضوع: رد: كلب الست....   الإثنين 22 فبراير 2010, 9:46 am

عندما تعوى الكلاب فلا يوجد الا .........الشياطين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
كلب الست....
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: شبابنا :: منتدى الخواطر-
انتقل الى: