منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 عاوزه رايكو فى القصه دى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
sleepingbeauty
مشرفة سابقة
مشرفة سابقة


نقاط التميز : 3973
عدد المشاركات : 1529
انثى
العمر : 116
العمل : لست مجبوراً أن أفهم الأخرين من أنا ..!! فمن يمتلك مؤهلات العقل والإحساس
تاريخ التسجيل : 19/10/2009

مُساهمةموضوع: عاوزه رايكو فى القصه دى   الأحد 10 يناير 2010, 5:55 pm

الفصل الاول
عندنا فى البيت صحيت من النوم وخير اللهم اجعله خير بيتنا فى حالة من حالات السلام التام وده على غير المعتاد

برمى بعينى كده على الصالة كده لقيت ماما بتحضن فى اخويا واخويا بيحضن فى اخويا التانى وعماليين يقولو احمدك يارب

وشويه وكانو هيصلو ركعتين حمدوشكر لله لولا انا لحقتهم وقولت اعرف سر السعادة المفاجئة دى والغير معتادة فى بيتنا

رانووو: خير اللهم اجعله خير ياماما فى ايه

ماما: كل خير ياحبيبتى طبعا يااااه ده اليوم اللى كنت بستناه من زمان

رانووو: حد من اخواتى نجح كفلا الشر ولا حاجه

ماما: لا حاجه اكبر من كده

رانووو: اكبر من نجاح اخواتى !!!! ايه رايحه تحجى مثلا

ماما : اكبر اكبر

رانوو: اسرائيل ربنا سخطها وفلسطين اتحررت

ماما ووجهها مملو بابتسامه واسسسسسسسسسسسسسسسسعه

ماما: اكبر اكبر

رانو : ايه اكبر من كده مافيش بقا غير ان بابا زود مثلا مصروف البيت

ماما: انتى جالك عريييييييييييييييييس

نظرت الى امى نظرة غريبه مملوة بالدهشه والمصاحب للاستغراب فالى هذا الحد قدوم عريس
لى اهم من ان بابا يزود مصروف البيت وخواتى ينجحو وماما تحج وفلسطين تتحرر
ولا يمكن ماما كان عندها امل ان كل ده يتحقق وانا هافضل زى مانا من غير عريس !!!!!!!!!!!!!!

ماما : يارب يكون من قسمتك ونصيبك يارانوو يابنتى

رانووو : وده عرفنى منين ان شاء الله

ماما : ياحبيبتى ده عمك اللى جايبهولك بس بيقول عريس ايه لقطه قيما وسيما

رانووو: قيما وسيما ايه بس ياماما احنا هانعمل فوازير ثم انا لسه صغيرة

ماما : لسه ايييييييييييييييييييييييييييييييييه

وفجاة وبقدرة قادر الوجه الملائكى لامى اختفى وظهر بدلا منه وجه اخر لااستطيع تشبيهوه

ولكنى لا اعلم لماذا فى هذا الوقت تذكرت كل القصص المرعبه من عينه ام رجل مسلوخة وامنا الغولة والساحرة الشريرة


ماما : بقوك ايه هى كلمة واحدة وهاتسمعيها هاتشوفى العريس يعنى هاتشوفى العريس انا بقولك اهوه
انا وبكل استسلام وخوف
رانووو: حاضر ياماما انتى مالك قفشتى كده ليه حاضر اللى انتى عايزاه هاعمله

وبدات رحلة بحثى بعدما علمت ان العريس من طرف عمى حيث اننى فكرت طويلا وطويلا

ولم اجد شياء سوا انى اجمع اكبر قدر من المعلومات قبل ان ياتى اليوم الموعود

وطبعا مافيش غير البت المفعوصةسلمى بنت عمى اللى ممكن اقررها واعرف منها

ايه اللى بيحصل

ارنووو : ازيك ياسلمى ياحبيبتشييييي

سلمى : الحمدلله ازيك ياابلة رانووو

ابلة فى عينك ياختى قال ابلة قال داحتى انا اكبر منك مافيش اد بتاع 15/10 سنه كده
امسكى نفسك يارانو ياختى خلينا فى مهمتنا الانتحاريه الاول وبعدين ابقى اقطعلها لسانها ولا حتى ابقى العبى فى عنيها البخت

رانووو: انا الحمد لله ياعيون ابلة بقولك ايه ياسلمى ياحبيبتى مش انتى بتحبينى

سلمى : طبعا ياابلة

تانى موضوع ابلة ده ياصبر ايوووووووووووووب

رانووو: كنت عايزة اسالك كام سؤال كده بس بينى وبينك

سلمى : اتفضلى

رانووو: ايه اخبار العريس اللى ابوكى جايبهولى ياشطورة

سلمى : كويس الحمدلله

رانووو: هو انا بقولك ازاى صحته يابت يووووه قصدى ياسلوم ياحبيبشتى انا بقولك موصفاته ايه

سلمى : اااااااااااااه هو انا اعرف انه محامى ياابلة

رانووو: وايه تانى ياسلوم

سلمى : بس ده كل اللى اعرفه ياابلة

رانووو: نعممممممممممم ياختى ده كل اللى انتى تعرفيه ومضيعه وقتى من الصبح غورى يابت بلاقرف

وطبعا قفلت السكه فى وش البت الغلبانه اللى من بعد المكالمة دى بتبصلى على انى مجنونه

وبما ان ماما عملالى حصار جوى وبحرى وبرى عشان مادورش وراء العريس

وطلع فيه عيب زى اللى قبله واطفشه فامكنش منى غير انى افضل مستنيه القاء المرتقب لقاء رانو بالعريييييييييييييييييييييييييييس

وبعد الحصار الجوى والبحرى والبرى اللى الست الوالدة كانت عملهولى واللى بسببه

ماطعلتش باى معلومه غير ان الدلعدى(اللى هو العريس يعنى بس انا ثقافتى عاليه شويه)

هايشرف بيت عمى يوم الخميس بما ان عمى هو الكبير ولازم كلنا نتخرج من عنده

يااما بجوازة او بجنازة وطبعا فى الغالب بتبقابجنازة



وحاولت مرارا وتكرارا تاجيل ميعاد العريس ليوم الجمعه عشان شغلى

وماما ابدااااااااااااااااااااااا لايمكن عاملة زى اللى ماصدقت تخلص منى

وبما ان جاى عريس يبقا لازم ولابد من قرص النضافه الشامل اللى بيجى مع اى عريس

بدايه من كنس ومسح وتنفيض وغسل ستاير وكاننا مابننضفش غير فى وجود عريس

مرورا بقا بحموم الجيران ايوووووووووون لازم اشرف على حمومهم ماهو كله فى وشى

وطبعا الامر مابيخلاش من تنضيف الشارع ورش الرمل والورد لقدوم الغالى ابن الغاليييين

وطبعا بعد قرص التنضيف ده اختكم فى الله جالها دور برد من اللى قلبكم يحبه

وصوتي راااااااااااااااااااااااااااااااااااااااااح

وعرفت انه من اولها بشاير خير خير خيييييييييييييييييييييييير

وهاتبقا داخلة بسلامته داخلة سعد وهنا عليه ان شاء الله

وجه يوم الخميس وبما ان العريس من محافظة تانيه غير محافظتنا وبما انه منشن وجاى ساعة الغداء

فلازم نعمل غداء مانا برضه لازم اغذيه مش هايبقا بعلى يووووه

وجاءت الساعه المحددة
:
:
:
:
:
:
:
:
:
:
:
:
v

ايه صدقته انه جه في ميعاده لا والف لا لالالالالالالالا الاستاذ جه بعد ميعاده بحوالى ساعتين

ورن جرس الباب صوصوصوصوصو مستغربين ليه جرس الباب بتاع عمى عصفورة عادى يعنى

بابا وعمى من برا اهلا اهلا اتفضلو ( اصله كان جاى ومعاه اتنين رجالة قريبه اصحاب عمى )

ودخلو الاخوة الاعداء وقاعدو ويجيبو كلام من اليمين وكلام من الشمال وانا طبعا جوه لاننا متفقين انه بعد مايتغدا

اخرج انا ااقعد معاه على اساس يعنى انا الفاكهه اللى هايحلى بيها

وطبعا انا جوه مش ساكته هامووووت واعرف شكله ايه قبل مااخرج له وخوفا على نفسى من الصدمه

حيث ان صوته الذى اسمعه من الداخل لايبشر باى خيييييييييييييييييييييييييير

بدات افكر اعمل ايه عشان اعرف شكله

وطبعا مافيش غير بنت عمى حبيبة قلبى سلمى فاكرينها طبعا

قولت استعين بيها انها تروح تطلع لها طالعه كده تشوف شكله وتيجى تقولى

رانووو:سلوم حبيبة قلبى

البت بصلتى بصه من نوعيه عايزة منى ايه يامجنونه بس بلعتها بمزاجى
ماهو اذا كان ليك عند سلمى حاجه قول يا ايه برافوووو عليكو قول ياسيدى

سلمى:نعم عايزة حاجة ياابلة

رانووو:انتى لسه زعلانة ياحبيبتشيييى عشان قفلت فى خلقتك قصدى وشى الجميل

ده السكة دانا كنت بهزر معاكى ياحبيبتشيييييي

سلمى:لا يا ابلة مش زعلانة بس عايزةايه

رانووو: عايزاكى تروحى زى الشطورة كده وتبصيلى بصه على العريس اللى برا شكله ايه وتيجى تقوليلى

سلمى:حاضر ياابلة

راحت سلمى والثوانى اللى غابتها عدت عليه سنين فانا متشوقه جدا لمعرفة سيادة المحامى شكله ايه

ثم جاءت اليه بالخبر المبين

سلمى :ابلة رانووو ابلة رانووو

رانووو:ها طلع شكله ايه

سلمى:طلع شكله راجل

رانووو:وحياة امك يوووووووه قصدى مانا عارفه انه راجل شكل مين يعنى

سلمى:شكله حته واحدة من المغنى حسين الجسمى

رانووو:حسين الجسمى يعنى طخين

طبعا افتكرت الكلام اللى بيتقالى من عينه ياعينى انتى لسه متخطبتيش فرجعت قولت لنفسى عادى

رانووو:مش مهم طخين طخين بكرة من اللى هاطلعه على جتته يبقا ارفع من عصايه الغليه

ثم برضه حسين الجسمى شكله حلو وبدات اغنى كل اغانى حسين الجسمى

اللى حفظاها واللى مش حفظاها منا برضه لازم اشجع الراجل مش شكل عريسى

وحبيت اتاكد من كلام البت المفعوصه اللى اسمها سلمى وخوفت لتكون عملة مقلب فيا
ماهى نفسها تعمل اى حاجه من ساعة مااقفلت فى وشها السماعه وقررت استعين بصديق اخر
محمد ابن عمى

رانووو:خد ياميدو ياحبيبى لما ااقولك

محمد:نعم ياابلة

يخربيت الادب اللى نزل عليكم مرة واحدة ايه حكايه ابلة اللى ماشيه فى البلد دى زى الفرة اللى ماشيه تاخد الفراخ

رانووو:عايزاك ياحبيبى تروح تشوف العريس شكل مين براحة وتيجى تقولى

وذهب محمد لكى يرا سيادة المحامى ونفس عدد الثوانى اللى سلمى غابتها هو غابها

محمد:ابلة رانووو ابلة رانووو

رانووو:نعم ياض قصدى ياحبيبى شوفته شكل مين

وهنا جاءت الصاعقه

محمد:العريس شكل المطرب نبيل شعيل

فتوجهت بنظرى سريعا للبت المفعوصة سلمى اللى جريت استخبت عند ابواها عشان عارفه ان ده المكان الوحيد

اللى مش هاجيبها من شعرها منه بس هاتروح فين وراها وراها والزمن الطويل ورجعت قولت

رانووو:وماله نبيل شعيل من حسين الجسمى مافرقتش كتير اهيه كلها دول عربيه هافرق بينهم يعنى

دانا حتى طول عمرى بنادى بسوق عربيه مشتركه هاجى اطالب بالتفرقه بقا دلوقت يلا على باركةالله

ولكن المفاجئة اللى صعقتنى بجد هى كانت دخول اخويا عليه بيقولى انى احضر نفسى

عشان اول ماالعريس يتغدا هاطلع ااقعد معاه هاتقولولى وايه الصاعقة اللى فى كده

هاقولكم انى لماسالت اخويا على شكل العريس قالى انه شكل يونس شلبى

طبعا مش محتاجه ااقولكم محمد ابن عمى استخبا فين لان اكيد عرفتو انه راح يستخبا

جمب اخته بس الغريب ان الواد محمد بينتقم منى ليه يمكن عشان اخته مش مهم مش مهم

خلينى انا دلوقتى فى التلفزيون المتنقل اللى قاعد برا ده اللى جايب على كل القنوات المصريه والعربيه

ومش ثايتله على شكل ده

اللى جننى وخلانى فعلا مقدرتش امسك نفسى بجد هو عمى نفسه لما دخل يطمن يشوف اخبار لبسى ايه

وقالى ان العريس شكل رامى ابن عمتى ورامى ابن عمتى ده حاجه كده تملا العين طول بعرض

باارتفاع بعيون زرقاء وشعر سايح ونايح كده

وطبعا قدام كل المواصفات المتضاربه دى مابقتش قادرة امسك نفسى

وروحت جرى عايزة اخرج اشوف المحروس اللى برا ده

شكله ايه لولا ستر ربنا لحقونى على اخر لحظة وحبسونى فى الاوضه عشان المحروس هايتغدا

امر عمى بتقديم الغداء وبالفعل الغداء اترس على السفرة طبعا اخواتى هما اللى قامو بالمهمة دى

بس نسيت ااقولكم على حاجه مهمه ان الاوضه اللى انا فيها لو وقفت وراء بابها اشوف السفرة بس محدش يشوفنى

وسمعت عمى بيقول اتفضلو ياجماعه الغداء وطبعا جريت جرى وقولت انتهزها فرصة وابص بصه على التلفزيون العربى

ولحسن حظى كان قاعد فى الكرسى اللى قدامى وعلى مستوى نظرى ايام ماكان عندى نظرى

ماقدرتش اجمع اى حاجه من شكله غير انه تخين حبه احم احم قصدى حبتين تلاته اربعة


طبعا سامعه واحدة فيكم بتقولى ولما هو فى الكرسى اللى قدامك

مش شيفاه ازاى هارد عليكى وااقولك اصل سياته كان مشغول بلطبق اللى قدامه

وطبق الناس اللى حواليه والحمد لله عريسى حبيبى زوج المستقبل اللى مستنياه

بقالى قرن من الزمان قمه الزوقوبيعرف فى الاوصول

عشان كده جرى على السفرة اول واحد وقام من على السفرة اخر واحد وهو بيرددد اصل انا معدتى تعبانى

عشان كده مش باكل كتييييير وطبعا بيتنا والبيوت المجاورة والاقارب والجيران كلهم حمدو ربنا

انه معدته تعبانه لحسن كان كلنا احنا وحلى ببقيت الشارع


وجاءت اللحظة الحاسمه لحظة القاء المرتقب لقاء السحاب وبطع منكرش عليكو انه كان عندى احساس

ان لقاء السحاب ده هاينتج عنه رعد وبرق وصواعق زوابع و مش بعيد خالص فى الاخر تقلب باعاصير


ونده عليه عمى عشان اخرج طبعا مش عايزة اصورلكم مدى احساسى بالخجل الغير معتاد مع احمرار فى الخدود

المصاحب برعشه غريبه كدة اشبه بالشلل الرعاش وعلى اد ماكنت بتمنى اخرج عشان اشوف سيادته

فى اللحظه لحظة ماخرجت شعرت بندم كبييييييييييير انى خرجت من اساسه

طبعا خرجت وسلمت على كل اللى موجودين وبما فيهم العريس

( ملحوظه رفيعه انا صوتى لسة تعبان عشان دور البرد اللى جه من قرص النضافة)

خرجت وسلمت ويارتنى ما خرجت ويارتنى ماسلمت عرفت ساعتها ليه كل واحد كان لما كنت بساله على العريس

كان بيجاوب اجابة بعيدة تماما عن الواقع فانا شخصيا مقدرتش احدد

عشان كده عذرت البت الغلبانة هى واخواها لما كل واحد قالى على شكل مختلف

وبصيت لهم بصة فيما معانها معلش ظلمتكم ياحبايب قلبى وبصيت للعريس تانى عشان اشوف شكله

امال يعنى لما اصحابى يسالونى معرفش اجاوب دا حتى يبقا عيب اوى عليه وفى الاخر توصلت وعرفت هو شكل مين


هو خير اللهم اجعله خير كده عبارة عن كتلة من اللحم المتحركه مالهاش اول من اخر اما شكله

فهو بالظبط بالظبط حاجه كده خليط من القنوات الارضيه والقنوات الفضائيه يعنى تقدرو تقولو كده


ريكو قالب على عائشه الكيلانى على براءة عمكو عبدالسلام بتاع ادى ضهركم للترعه بس بصراحه

هو ماكنش شبه عمكو عبدالسلام نفسه هو كان شبه البلهارسيا ذات نفسها

اول ماحسيت انى هاتراجع عن الجوازة دى رجعت قولت يابت الحقى نفسك واتجوزى هاتعملى ايه بشكله

كده كده النور بينطفى خليكى تتجوزى وتجبيلك حتتين عيال وخلاص

شويه وعنيه ضربت على لبسه ولقيته واوووووووووووووووووووووووووووووووووووووووووووووووو وووووووووووووو

طقم اتحدا اى واحدة فى مصر والوطن العربى يكون جالها حد بيه طبعا هو انا اى حد دانا رانوووو برضه

البس التحفه اللى كان جى بيه حاجه كده عبارة عن لبس من عصر الخمسينات او الاربيعنات

عشان مظلمش الراجل برده انا مش بحب الظلم

حاجه كده فسكوز على حرير على دمور على دبلان متفهملوش قماشة معينه ولا شكل لونه كحلى وشراب ياجماله

لونه احمر سامعه واحدة بتقولى انتى بصيتى على الشراب هاقولك

طبعا ماالراجل مش بس بكلمته الراجل برعيته لشرابه وجذمته

رجعت وقولت مابداهااش بقا خلينا فى الشخصيه ايوووون اهم حاجه هى الشخصيه

اهم حاجه هى فعلا شكل ايه وجذمه ايه وشراب ايه خشى يابت على الشخصيه

طبعا كلهم كانو قعدين بيتكلمو وانا رسمه دور الادب مابتكلمش او تقدرو تقولو ماليش مزاج اتكلم اساسا

وفاجئة لقيت الاخ العريس المبجل وجه ليه سؤال غريب مش فى نوعه لا فى توقيته

[center]صدمنى العريس بسواله مش عشان انه ماينفعش يساله لا بس عشان اختار توقيت غريب جداااااااا بخلاف طبعا طريقه السؤال

العريس: وانتى بقا يارانووو مواليد كام ههههههههههههه

استغربت جدا انه ازاى يتجرا ويتبجح ويقولى يارانو كده من غير القاب مافيش حضرتك مافيش انسه مافيش دم

ماما شعرت بغضبى وشعرت اننى احضر اسنانى ومخالبى لكى انقض على العريس فشر دركولا

ولكنها نظرت لى نظرة من بتوع ام رجل مسلوخة والساحرة الشريرة بتتواعدلى فيها

انى لو اتقضيت على الراجل هاتعلقنى هى من عراقيبى وانا ياختى عراقيبى مش ناقصه

فاخدتها من قاصرها وقولت هاعلمه الادب بعدين

رانووو: انا مواليد 1/1/1982

العريس:هههههههههههههه العمر كله ليكى

رانووو: شكرا

وكنت هامووووووووووووو ت واعرف بيضحك على ايه

شعر عمى برغبتى الدافينه فى انى استفرد بالراجل وبصراحه الراجل ماكدبش خبر فى ااقل من دقيقه

لقيت كل اللى كانو فى الصالون بقدرة اقادر اختفو وكانهم اتبخرو فى الهواء ومش شايفه اى حد فى الصالون غير انهم

رايحين جايين علينا فقولت بس فرصتك يابت يارانووو تعرفى ايه حكايه الكتلة اللى قدامك دى

وبدانا نتجاذب اطراف الحديث

العريس: وانتى مخلصة ايه

رانووو: انا بكالوريس تجارة

العريس: انتى بتشتغلى يارانووو

برضه هايقولى يارانووو ماعلينا ماتديقيش ياستى هى هاتلزق يعنى ثم هو يعنى بيشتمك ده اسمك

رانووو: اه انا شغالة محاسبه

العريس وقد تغيرت ملامحمه مش عارفه ليه بس فيما بعد عرفت

العريس : ااااااااااااااااااه انا عرفت انك كمان بتاخدى قرصات

رانووو: فعلا انا كنت باخد قرصات انجلش فى الجامعه الامريكيه بس ماكملتهاش

العريس : ليه

رانووو: اصل شغلى واخد وقتى وكنت لازم اثبت نفسى الاول فى الشغل فقولت ااكملها بعدين

العريس: انا على فكرة انا شغال محامى وليا اخت دكتورة

رانووو: ربنا يخليكو لبعض وانت بقا عندك مكتب ولا بتشتغل مع محامى

العريس : لا عندى مكتب فى نفس العمارة بتاعتنا
:
وراح اتفشخر اوى انه عندهم عمارة مايعرفش ان ليا خالة فى محافظتهم ولسؤ حظه بعديهم بشارع وانى اعرف شارعهم كويس

وان بيتهم يادوب 3 ادوار طب ياعم قول بيت ولا هو فاشخرة وخلاص ولا يعنى هاقولك ياعمارة لابلاش حاجه غيرها متنفعناش

وطبعا عديت بمزاجى موضوع العمارة ده واكنى ماسمعتهوش

رانووو : وانت بتفكر فى مستقبلك ازاى

العريس: من ناحية ايه يعنى

رانووو: يعنى بتفكر تكبر مكتبك بتفكر تشتغل مثلا فى مكتب كبير جمب مكتبك عشان تاخد خبرة اكتر

بتفكر تسافر تشتغل برا بتفكر فى ايه يعنى


العريس: لا انا مكتفى بمكتبى بس فعلا انا كانت جايالى سفريا لالمانيا بعرض مغرى جداااااااا

رانووو: طب كويس والله

العريس: بس انا رفضت وبشدة

رانووو: وليه رافضت وبشدة

العريس: يعنى هنا اصحابى والشلة

رانووو: يعنى تضيع مستقبلك عشان اصحابك
:
العريس: لا مش القصد بس معروف وسط اصحابى واللى عنده قضيه بيجبها

خدو بالكم الراجل معتمد اعتماد كامل على اصحابه

رانوووو: وفرضنا اصحابك ماجبولكش قضيه بتعمل ايه

العريس: لا ماهو انا المحكمه بتبعتلى قضايا

ملحوظة رفيعه المحمكه لما بتبقا عندها متهم غير قادر على توكيل محامى

بتقوم المحكمه تدور لها على محامى فاشل صغير يترافع عن المتهم واخره معاها

انه يكون اتعابه 2جنيه ورغيفين عيش مدعم بمساميره

رانووو: يعنى انت بتعتمد على المحكمه انها تبعتلك قضايا

العريس: يعنى اه

طبعا ساعتها عرفت انه فاشل طبعا ماهو واحد مش راضى يسافر عشان يقعد مع اصحابه

هاستنى منه ايه يعنى

العريس: بس انا كان ليا راى فى موضوع شغلك

رانووو: راى ايه !!!!!!!!

العريس: انا مش عايزك تشتغلى بعد الجواز

وبدا يتكلم وكانى وافقت على سيادته وفاضل على الفرح يادوب يومين تلاته

واثق فى نفسه بقا تقوله ايه محامى واد الدنيا ايوووون اد الدنيا مش قولتلكم انه كتله لحم

رانووو: نعممممممممممممممممم

العريس : ايوه انا مش بحب الست اللى بتشتغل

رانووو: بعيدا بقا عن كونى بشتغل ولا لاء لما انت مش بتحب الست اللى بتشتغل سايب اختك تشتغل ليه

العريس: عادى يعنى عشان تثبت نفسها

وقبل مانطق لحقنى هو وقالى

العريس:صحيح الف سلامه عليكى

بصتله بصةغدر وكنت عايزة ااقوله وهو انت عندك دم من صبحيه ربنا شايفنى

عمالة اكح وصوتى رايح وانت عمال تشلايب فى سجاير وتنفخ فى وشى

ولا كان فى حمارة تعبانه


رانووو: الله يسلمك

وهنا دخلت علينا ماما ومرات عمى

وحاولو يتجاذبو اطراف الحديث حتى يخففو من حدة التوتر التى ظهرت عليه

مرت عمى : حضرتك بقا اهلاوى ولا زملكاوى

العريس: هى رانووو بتشجع مين

مرات عمى : بتشجع الاهلى

العريس : خلاص وانا كمان هاشجع الاهلى

ياسيدى على الرومانسيه ياسيدى ونعم الرومانسيه

ماما : وحضرتك مواليد كام

طبعا الواد حس انه بيتحقق معاه فى نيابه الخليفة

العريس: انا 27/1/1979

مرات عمى : ياه فى نفس شهر رانووو

العريس: ههههههههههههه اااااااااااه ماهو بعد كده هانعمله انا وهى فى يوم واحد


ياربى على الضغط اللى جالى الراجل ده مين قاله انى هاتجوزه

دانا قاعدة معاه عشان خاطر الساحرة الشريرة بس ماتلعبش فى عنيه البخت


ماما: ربنا يقدم اللى فيه الخير

وفجاة لقيته قاعد وكانه فى بيتهم عمال بيطلب طالبات غريبه

قولت يابت عديها ده برضه فى الاول والاخر ضيف واكرام الضيف طرده قصدى واجبه

وفى اخر قايمه طلباته طلب غريب من نوعه مش عشان الطلب غريب لالالالالالالالالا

لانه هو اللى طلبه فابلنسبه له غريب وطبعا هاتعرفه فيما بعد غريب ليه


العريس : لو سمحتى ياطنط انا عايزة كوبايه شاى نص معلقة سكر

بصتله باستغراب وفوجئت مش انا اللى لوحدى ببصله باستغراب ده البيت كله استغرب

حتى الجيران جم استغرابو معانا وشاركونا فى حالة الاستغراب الجماعيه دى

مرات عمى : نص معلقة سكر !!!!!!!!!!!!!!

العريس: اااااه اصلى عامل ريجيم

رانووو: نعمممممممممممممممممممممممممممممم ريجيم امال كل الحلويات والفاكهه والعصاير دى كانت ايه


وماما ومرات عمى يحاولو يهدو فيا وانا ابدااااااااااااااا فتحت على الرابع

رانووو: بقا كل اللى فات ده مش هايبوظ مثلا الريجيم ونص المعلقه دى هى اللى هاتبوظه

وطبعا عشان انا انسانه كلى زوق مرضتيش اعايره بالمرة بالاكل والغداء واكتفيت بالفاكهه بس

الغريب بقا انه كان مبتسم ولا كان الدنيا معديه عليه

ماما طبعا حاولت تلم الموضوع وتغيره

ماما: وانت بقا بتباشر شغلك ازاى يعنى

العريس : ابدااااااااااااااااااااااااااااا انا بقوم من النوم الصبح على الساعه 9 الصبح اخد تاكسى واروح المحكمه ارجع الساعة 10

ماما : ايه ده هو فى محكمه لحد 10 بليل

العريس : ههههههههههه لا طبعا ياطنط 10 الصبح

ماما: وبتلحق تخلص اللى واراك

العريس: اااه وماهو ببقا مستنى لو هايدونى قضيه

ياصلاة النبى احسسسسسسسسسسسسسسسسسن


العريس: وبعدين برجع البيت واقعد شويه او انام وانزل على القهوة

ماما ومرات عمى ورانووو فى نفس واحد : قهوووووووووووووووة

العريس: ايوه القهوة اللى بيعوزنى او حد عنده قضيه بيجيلى القهوة

فى اللحظة دى انا اللى بصيت لماما بصه الساحرة الشريرة عشان الموقف اللى حطونى فيه ده

العريس: بس ان شاء الله بعد الجواز انا اتفقت مع رانووو انها تبقا شغالة معايا

ساعتها جالى دوار ولا دوار البحر وكان هاين عليه ااقوم ارجع عليه

واقعدت ااقول انا انا اتفقت معاك

العريس: ايوه ان شاء الله يعنى خليكى معايا واشتغلى عندى سكرتيرة

وكانت هذه هى القشه التى قسمت ظهر البعير

رانووو: بقا سياتك جاى عايز تتجوز واحدة توفر بيها حق السكرتيرة وان شاء الله بقا هاقعد معاك على القهوة

ثم سكرتيرة ايه ومين دى اللى تشتغل عندك

هو انت اساسا لاقى شغل دانت مليان هواء على الفاضى بقولك ايه انا من صباحيه ربنا وانا ماسكة نفسى

وااقول يمكن يتعدل دلوقتى ولسه هاكمل كلامى

اذا فاجئتان لقيت امى ومرات عمى وعمى وبابا واخواتى والجيران مجمعين اكبر قدر من المقاشات

وبيجرو وراء العريس فشر حرامى الغسيل

وكانت هذه قصتى مع العريس المحامى المبجل


ماتمشوش جايلكو باللى واراه


















[/center]







الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
mouhammed
منياوى على حق
منياوى على حق


نقاط التميز : 3991
عدد المشاركات : 1681
ذكر
العمر : 28
فصيلة الدم : B+
تاريخ التسجيل : 21/08/2009

مُساهمةموضوع: رد: عاوزه رايكو فى القصه دى   الإثنين 11 يناير 2010, 9:43 pm

القصة كبيرة اوى..

عايزة روشطة.....






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
prince
مشرف عام
مشرف عام


نقاط التميز : 2676
عدد المشاركات : 1219
ذكر
العمر : 38
تاريخ التسجيل : 19/09/2009

مُساهمةموضوع: رد: عاوزه رايكو فى القصه دى   الثلاثاء 12 يناير 2010, 1:08 am

ههههههههههههههه
قصة ظرفة جدا جدا






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حاملة المسك
منياوى متميز
منياوى متميز


نقاط التميز : 976
عدد المشاركات : 377
انثى
العمر : 105
تاريخ التسجيل : 06/07/2009

مُساهمةموضوع: رد: عاوزه رايكو فى القصه دى   الثلاثاء 12 يناير 2010, 2:09 pm

يارك الله فيكى

قصة مسليه


مشكورة على التواجد الدائم


ومرحبا بكي وبمشاركاتك الممتعه


حاملة المسك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عاوزه رايكو فى القصه دى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: شبابنا :: واحة الأسرة-
انتقل الى: