منتدى شباب منية سندوب


 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 مخنوق خلاص وعايز تسافر -----ادخل هنا و انت صاحب القرار

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hawas
شخصية هامة
شخصية هامة


نقاط التميز : 4387
عدد المشاركات : 1701
ذكر
العمر : 41
تاريخ التسجيل : 21/12/2008

مُساهمةموضوع: مخنوق خلاص وعايز تسافر -----ادخل هنا و انت صاحب القرار   الثلاثاء 10 مارس 2009, 1:30 pm

بسم الله الرحمن الرحيم

كتير منا في هذه الاوقات الصعبه بيتمني انه يسافر خارج مصر للحصول على فرصة عمل سواء في الدول العربية و دول الخليج او الدول الأجنبية

اسمحولي احكيلكم تجربة شاب مصري في موضوع السفر

تخرج من كلية التجارة بقدير مقبول ( من غير حسد )
كان شغال في شركة بـ 500 جنيه ( بالواسطه طبعا )
حب انه يحسن دخله و يكون مستقبله يبحث في اعلانات وظائف خاليه قسم خارج مصر (حتى لو كان نجع البرابره )
و الحمد لله بعت لشركة بالسعوديه وطلبت مقابلته و الحمد لله قبلوه (علشان حليوه شويه و ينفع يشتغل في العلاقات العامه)
و تم تحديد الراتب بـ 2000 ريال سعودي و تم السفر(الحمد لله )

كل ده لحد دلوقتي جميل و زي الفل
لكم ان تتخيلوا ان متوسط الصرف الشهري من 1000 ريال إلي 1500 ريال شهرياوذلك لغلاء المعيشه في هذه البلدان وده على الأكل و الشرب(المياه ) بس من غير تدخين

يعني متوسط التوفير من 500 إلي 1000 ريال يعني من (1000 إلي 1500 جنيه مصري )

انا دلوقتي هقولكم على المكاسب و الخسائر في موضوع السفر ده

المكاسب:-

* التعرف على حضارات غير الحضارات (و طبعا مش كلها حلوه)
* كيفية التعامل مع الناس (المصريين اللي في الخارج ناس ولاد ****)
* مكسب مادي ليس بكثير ولكن لن تحققه في مصر بسهوله
* فوائد السفر المتعدده


الخسائر :-

* المعيشه مع اهلك و اصدقائك -لأنك في الأجازه بتنزل ضيف على اهلك و اصدقائك (مافيش فلوس في الدنيا تعوضها )
* محط نظر كل الناس (ده ياعم شغال في الخليج - بحر فلوس -من الأخر الحسد والعين )
*احسن تعامل ممكن تحصل عليه (إذا كنا متهانين في بلدنا امال بره البلد هيبقي حالنا ازاي )
* الإنفصال التام عن اي حياه اجتماعيه
* لو حبيت ترجع تاني مصر تخيل قرار اصعب من قرار السفر بره مصر اساسا
* موضوع الكفيل ده هو عباره عن تقنين للعبودية


انا بس حبيت اناقش معاكم مكاسب و خسائر السفر وليكمالحكم و القرار لكل واحد مقدم على السفر




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
nouranwr
المدير العام
المدير العام


الإسم : فاروق نشأت شريف محمد ناصر
الإقامة : منية سندوب
نقاط التميز : 3522
عدد المشاركات : 1800
ذكر
العمر : 31
العمل : شركة مصر لإنتاج الأسمدة ( موبكو )
فصيلة الدم : A+
تاريخ التسجيل : 17/06/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   الثلاثاء 10 مارس 2009, 4:48 pm

بصراحه موضوعك أكثر من رائع
ويستحق فعلا النقاش
معروف دايما ان الغربه صعبه
بس صعب جدااا ان الواحد يقدر يكون ليه مستقبل هنا فى مصر
الواحد صحيح فىالسفر بيتهان علشان الفلوس
بس أصبحنا بنتهان فى بلدنا و ببلاش
معظم الشباب أصبحوا كارهين البلد
وعوزين يسيبوها بأى طريقة
الشغل فى مصر أصبح عقدة نفسيه عند كل الشباب
ولو فيه شغل بيكون زى قلته
لأنه يدوب على قد اللب والسودانى وان الشاب ينزه نفسه
لكن يكون بشغله ده مستقبل
أصبح صعب جدااااااااااااااااااااااااااااا









don't lose your smile .. keep it forever

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abo_medo2008
شخصية هامة
شخصية هامة


نقاط التميز : 2505
عدد المشاركات : 1254
ذكر
العمر : 39
العمل : مدرس انجليزى
تاريخ التسجيل : 05/09/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   الخميس 12 مارس 2009, 2:41 pm

فعلا موضوع جميل
و يستحق النقاش
لأنها تهم كل بيت اليومين دول
و انا أحب أقول ان

مش كل اللى بيسافر مبسوط
القله القليلة
و الباقى يعانى مشاكل السفر و الغربة
و يمكن يكون جاى مديون

و للحديث بقية











الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hawas
شخصية هامة
شخصية هامة


نقاط التميز : 4387
عدد المشاركات : 1701
ذكر
العمر : 41
تاريخ التسجيل : 21/12/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   السبت 14 مارس 2009, 8:10 am

شكرا جدا لردكم
وارجو توسعة دائرة النقاش مع باقى الاعضاء

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MrDraCuLa
منياوى متميز
منياوى متميز


نقاط التميز : 271
عدد المشاركات : 203
ذكر
العمر : 33
العمل : Teacher of English
تاريخ التسجيل : 02/10/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   السبت 14 مارس 2009, 10:15 pm


بسم الله الرحمن الرحيم
بداية الموضوع جميل جدا ويستحق الدراسة لانه ظاهرة اجتماعية فرضت نفسها بالقوة هذه الايام على الساحة المصرية نظرا لظروف البطالة والظروف المعيشية الصعبة جدا هذه الايام

خلينا نبعد عن العواطف شوية ونحسبها بالورقة والقلم
الشاب لما يتخرج يبقى عاوز يشوف شغلانة كويسة يأمن بها مستقبله ويوفر منها ما يكفيه لكي يتزوج ويبدأ حياته
وطبعا 95% من الشباب يتخرج من الجامعة يلاقي نفسه غرقان في وسط البحر مش عارف يعمل ايه
لاهو لاقي شغل ولا عارف يتجوز وان لقى شغل بمرتب كويس فان المرتب ده ميكفيش معيشته هو شخصيا في ظل الارتفاع الرهيب في الاسعار والمعيشة .........

من الطبيعي ان الشاب لما يتخرج يفكر في السفر لانه بالطريقة دي يقدر يحصل على دخل طيب يمكنه التوفير منه لمستقبله
وطبعا قرار السفر دا مش سهل ابدا زي ماقلت وقال كل الاعضاء الكرام لكن أحب أضيف نقطة مهمة جدا .....
الشاب بيسافر ليه ؟؟؟؟؟؟؟؟؟؟؟؟؟

عشان الفلوس والمستقبل و ..... و..... و.....
كل واحد عارف
معنى كدة انه عنده هدف أمامه يريد تحقيقه
والليأعرفه ومؤمن بيه جدا ان الانسان لما يكون أمامه هدف يبغى تحقيقه بيواجه الكثير والكثير جدا من الصعوبات التي ينبغي عليه تذليلها لكي يصل الى هدفه
ومعلش سامحوني انا مش باقول انه يحاول التغلب على الصعوبات ......
لا ...................

أنا بقول انه لازم ولازم ولازم يتغلب على الصعوبات دي والا بقى كان مسافرش احسن وقعد مكانه واستريح
طريق النجاح ملئ بالشوك وليش مفرود بالورود
اللي عاوز ينح اليومين دول لازم يستحمل الشوك ويكسره كمان

بسمع كتير جدا عن ناس سافروا وقعدوا يشتكوا ان السفر صعب والحياة مش وردية والواحد بيتبهدل والمصاريف كتيرة و ... و... و.... ........
خلاص
انا بقول للناس دي
مدام انت مش قد التعب والشغل يبقى تروح تنام في بيتكم معزز مكرم زي الباشا وترضى بالي ربنا سبحانه وتعالى قسمه ليك في بلدك ومتتكلمش بقى عن مستقبل او جواز او فلوس كتير والكلام ده .........

ياجماعة ممكن يكون كلامي صعب شوية لكن هيا دي الصراحة
نسبة صغير جدا من الشباب يقدر يكون مستقبله اللي بيحلم بيه في بلده ......
ولو انت من النسبة دي هنيئا لك ان ربنا أكرمك وأنعم عليك انك تعيش في بلدك بدون غربة وفي نفس الوقت بتبني مستقبلك وحياتك
لكن لا قدر الله لو معرفتش تعمل الكلام ده في بلدك ......
مفيش ادامك غير السفر لمدة معينة من أجل تحقيق هدف معين
وفي سبيل تحقيق هذا الهدف لابد ن تتحمل كل الصعوبات والمشاكل اللي تواجهك ......

وربنا يوفق الجميع ......

( على فكرة أنا حاليا في السعودية وفعلا الحياة مش وردية وصعبة جدا وخصوصا طبعا فراق الاهل ... ولكن كل اما افكر في الموضوع ده اقول لنفسي ان انا اخترت هذا الطريق بارادتي في سبيل تحقيق هدف معين أمامي فلازم استحمل المشوار ......)

في النهاية
آسف جدا جدا على الاطالة

والف الف شكر على الموضوع الجميل بجد بجد
تسلم ايديك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hawas
شخصية هامة
شخصية هامة


نقاط التميز : 4387
عدد المشاركات : 1701
ذكر
العمر : 41
تاريخ التسجيل : 21/12/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   السبت 18 أبريل 2009, 2:46 pm

شكرا لتفالعكم الجميل






دعاء فك الكرب

لا اله الا الله الحليم الكريم
لا اله الا الله العلى العظيم
لا اله الا الله رب السماوات السبع
ورب العرش العظيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسلام ساموو
منياوى على حق
منياوى على حق


نقاط التميز : 1862
عدد المشاركات : 1429
ذكر
العمر : 24
العمل : عضو فى منتدى شباب منية سندوب
تاريخ التسجيل : 04/12/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   الجمعة 01 مايو 2009, 4:40 pm

مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hawas
شخصية هامة
شخصية هامة


نقاط التميز : 4387
عدد المشاركات : 1701
ذكر
العمر : 41
تاريخ التسجيل : 21/12/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   السبت 02 مايو 2009, 10:56 am

لا شكر على واجب يا عم اسلام






دعاء فك الكرب

لا اله الا الله الحليم الكريم
لا اله الا الله العلى العظيم
لا اله الا الله رب السماوات السبع
ورب العرش العظيم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اسلام ساموو
منياوى على حق
منياوى على حق


نقاط التميز : 1862
عدد المشاركات : 1429
ذكر
العمر : 24
العمل : عضو فى منتدى شباب منية سندوب
تاريخ التسجيل : 04/12/2008

مُساهمةموضوع: رد: مخنوق خلاص وعايز تسافر -----ادخل هنا و انت صاحب القرار   السبت 02 مايو 2009, 5:15 pm

فعلا انا بواجة شباب كتير يعنى من اصحابى يقولك اية انا طهقت وزهقت من ام البلد دى انا عايز اسافر برة بقى واشوف كل حاجة هوا عايز يسافر عشان كدة يشوف ويتفرج بس مش عشان يشتغل ولا يجيب فلوس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مخنوق خلاص وعايز تسافر -----ادخل هنا و انت صاحب القرار
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب منية سندوب :: مجتمع منية سندوب :: يوميات منية سندوب-
انتقل الى: