برنامج لحفظ القرآن الكريم

ممكن نعمل فى المنتدى الإسلامى برنامج لتحفيظ القرآن الكريم و يكون مشرف عليه عضوان حافظان للقرآن شاب يتابع الشباب وبنت تتابع البنات وممكن المشرفان يحددان ميعاد أو اتنين حسب وقتهم وكمان يحددا كمية الحفظ ويتفتح الشات فى الوقت ده ولو حد عنده اضافة فى الموضوع يريت يتقدم بيها

فكره جميله جداا
وأنا بأرشح الاستاز عبدالله لمتابعة الشباب
أما البنات فلو انتى جاهزه للاشراف على الموضوع فاتفقى مع البنات وحددوا ميعاد لفتح غرفة الشات
منتظر رأى الاستاز عبدالله

_________________

ياريت محدش يكتب موضوع أكثر من مره فى أكثر من مكان
لسهولة الرد على الموضوع
وتجميع الردود فى مكان واحد
ولو فيه موضوع ضرورى لازم يظهر
ممكن العضو يبعتلى رساله خاصه وأنا أكتب الفكره كاعلان على الصفحة الرئيسية

_________________

موافق طبعا .. وتحت أمركم فى أى وقت...

بس يا ريت ناخد رأى الأعضاء أولا فى ترشيحك ليا يا باشمهندس فاروق..

لأن الراحة النفسية تجاه المحفظ أهم أسباب نجاحه مع اللى هيحفظوا..

وإذا ما كانش أنا ..فى غيرى كتير ممن هم أقدر على المهمة دى..

وفكرة جميلة جدا جدا جدا جدا يا أستاذة roaa
_________________
وإني ليرضيني قليل نوالكم * * * وإن كنت لا أرضى لكم بقليل

جميل بثينة

منتظر رأى الأعضاء ومين ال هيواظب معانا
وأنا أول طالب معاك يا استاز عبدالله
جهز انت بقى البرنامج ال هنمشى عليه لحد أما نسمع رأى باقى الاعضاء ومين ال هيكون معانا

_________________

أنا آسف يا باشمهندس..

أصلى مش قد كدة فى النت..

بس أنا شفت الإقبال ضعيف على المنتدى الإسلامى..وحبيت الأعضاء كلهم يشوفوا فكرة مستر حسام ...لأنها فعلا جميلة

وعموما أدينا اتعلمنا شئ جديد..لما نعوز نعلن عن حاجة مهمة نبعتلك فى رسالة علشان تحطها على الرئيسية..

وشكرا لرجال البريد

_________________
وإني ليرضيني قليل نوالكم * * * وإن كنت لا أرضى لكم بقليل

جميل بثينة

أسف ياستاذ فاروق معنديش المقدرة دى شوف حد من البنات

اوكى منتظر ردود البنات
ولو مفيش حد من البنات رشح نفسه
ف الاستاذ عبدالله أعتقد انه يقدر يتابع مع الشباب والبنات عن طريق المنتدى وغرفة الشات فى الوقت ال هيحدده
مش كدا ولا ايه يا استاز عبدالله
قول كلمتك

_________________

ايه اسف دى يا استاز عبدالله

احنا بينا كدا

انت أخويا الكبير متزعلنيش منك

كلنا مش قد كدا فى النت

وكلنا بنلخبط لخبطه ملهاش حل

الكمال لله وحده

أنا ال اسف ان كنت زعلتك بكلامى والله مأقصدش

_________________

ممكن أسمع للبنات بعد موافقتهم طبعا

الفكرة حلوة و تستحق الاهتمام

ماشاء الله .. المنتدي كل يوم بيذيد بريقا واذدهارا بفضل اعضاؤه .. كل يوم افكار اكثر من رائعه .. فكرة ممتازة جدا

فكرة جميلة وممتازة وانا موافق عليها
بس عندى اقتراح بسيط وهو
ان الاعضاء بدل ميحفظوا جديد يكون مراجعة على القديم يعنى المحفوظ لدى الاعضاء
هو دة المهم دلوقت المراجعة وتثبيت المحفوظ الاول وبعدين الجديد
علشان اكيد كل واحد فينا حافظ ومقصر فى المراجعة
وانا اولكم طبعا

فكرة جميلة يا أستاذ أحمد بس أنا كان نفسى نوحد حفظنا علشان يبقى فى منافسة بينا وبعد التسميع نعلن عن أحسن تسميع

وانا موافق يالامل الضائع على اقتراحك

* فصائل الدم لبعـض أهالى منية سندوب
أضف نفسك للقائمة
فمن الممكن أن تنقذ مريض من الموت

-----------------